Өлеңдер ✍️

Ақын жанды, ақкөңіл, əнші Бақыт,
Жүрегімді жылаған
Алшы уатып...
Жаз күнімен жапырақтар қоштасуда,
Қимастық жасын тынбай тамшылатып...
Қоштаспаймыз екеуміз, қоштаспаймыз,
Көктеммен де, жазбенен достасқанбыз.
Жетіпсің-ау, алпыстың асуына,
Ерке-шора,
Кешегі шоқ басқан қыз...
Қуанбасаң, бұл күнге жасыма сен,
Еркелетіп өсірген, Əшім əкең!..
Алпысыңды аялап, құшақтайын,
Қасыма кел, құрбы жан,
Қасыма кел!
Нағыз кезең келді енді, тасып өтер,
Қатар-құрбың жетеді, басыңа тең!
Жанарыңдай жарқырап тұрған сенің,
Аспанымыз шуақты,
Ашық екен!