Өлеңдер ✍️

(Республика алаңындағы ескерткіш)
Желінен Желтоқсанның дауылдатқан,
Айырылдың қанша боздақ,
Бауырластан.
Қайыспас,
Қайрат сынды батырларды,
Желі ғой, Желтоқсанның,
Жалындатқан!..
Айықпай сол қайғыдан жүрек бүгін,
Шығады Алатаудан жүдеп күнім.
Қаракөз, арулары-ай,
Қазағымның,
Шашылған қар үстінде –
Жібек бұрым...
Көңілден айығар ма, желдеткен күн,
Айтыңдар,
Айығар ма,
Елді өпкен мұң.
Тəуелсіздік жеңісі –
Сол боздақтар,
Ықпаған сойылынан жендеттердің!..
Есінен кетпес қарттың, баланың да,
Дегендей, ей, жарандар,
Қара мұнда!..
Келбеті айбат шегіп тұрған жоқ па,
Батырым,
Республика –
Алаңында!.