Өлеңдер ✍️
  01.06.2022
  93

Автор: Бəйтік Дүйсебаев

Түсіме еніп

Болу қиын халықтың қорғаны шын,
Болмағандай сезілед оңған ісім.
Дүниеге келіп ем, тым болмаса,
Жер шарынан бір тасты қозғау үшін.
Ақын боп та халықты жырғатпадым,
Үрген иті сияқты бір қақпаның.
Айтамын деп шындықты ауызым күйіп,
Оңашада отырып жылап та алдым.
Ұлылыққа десе де ішім еріп,
Кездерім бар жүретін кішірейіп.
Борбайына ботаның бұрау салған,
Қара биі қазақтың түсіме еніп.


  түс Бəйтік Дүйсебаев Бəйтік Дүйсебаев өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Бағаң бар ᐈ
  Өлшенеді ᐈ
  Көнбейді ымыраға ᐈ
  Өмір сағаты ᐈ
  Сабақтастар ᐈ

Пікір жазу