👈 қаріп өлшемі 👉

  Өлеңдер ✍️

  25.05.2022
  28


Автор: Гүлжайнар Қалдина

Дерті қалың Ай неге?

Дерті қалың Ай неге?
Күлкі қашты күннен де...
Жетіскенді бай деме
Желіккеннен күлгенге...
Кызыл, сары, ақ шарап
Жердің бетін жуып тұр...
Қабырғада қас...қабақ...
Танытады суық түр.
Кежегем де керіліп,
Кері тартып көрпесін...
Кәрілеу мұң...
Өлі үміт...
Өзегімді өртесін...
Арзан ардың сотынан
Тәубеге кім тойынбақ?..
Құл басымның отырам,
Құлпытасын оюлап...
Тәңір көріп тиынды,
Тәуір көріп бергенді...
Еншіме мұң бұйырды
Елу қарыс...
Ең кемді...
Тектілерге – төр үлгі,
Тепкілесең – соры елдің...
...Кеп тіреймін өмірді
Өңешіне Өлеңнің.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы