Өлеңдер ✍️

Төсінде тербетілген дала гүлі,
Кешінде жұлдыз болған қала нұры.
Көктемде сағынышын əлдилеген,
Көктөбе арманымның қарауылы.
Көк кеме, Алатаудың алабы бай,
Көктөбе көрсетер ме дара мұндай.
Көрген жан қадамайтын жанарын жай,
Ару төс Алматының анарындай.
Сыбырласып Көктөбенің төбесінде,
Мұңдасып дедің қайтып келесің бе.
Есімнен еш кетпейді елесіңде,
Сақтадым мəңгілікке сені есімде.

Көктөбе - көк түріктің мұрасындай,
Көктөбе - көк тіреген бір асыл жай.
Көктөбе - қиялымның қиясындай,
Періште сезімдердің ұясындай.
Көктөбе - түнің мақпал, таңың арай,
Көктөбе, сені жаным сағынғаны- ай! ! !
2008. 3. 7