Өлеңдер ✍️

Айнала шомылғандай арай нұрға,
Ақпанда,
Ақөлеңде,
Ақ айдында.
Тербеліп,
Teбipeніп талай мұңға —
Ағатай, келіп қалдық қалай мұнда?!.
Беу, шіркін!
Айдын қандай,
Ақпан қандай?
Ақөлең ақ ниетін ақтарғандай.
Ағатай, біздің сапар ақ болғандай —
Басына Балқаш көлдің бақ қонғандай.
Ақөлең — балықшы ауыл алыстағы,
Сенімен келіп едік табысқалы,
Жігіттің ақ айдында Арыстаны,
Әуенді түсінтін ағыстағы —
Ағатай, жатыр білем ән ұшқалы...
Басына Балқаш көлдің бақ қонақтар,
Ақ айдын,
Ақөлеңде,
Ақпан,
Ақ қар.
Ақ әлем, ақынында ақ қанат бар,
Ағатай, қалсын біздер жаққан оттар,
Ақ айдын,
Ақ өлеңде Ақпан...
Ақ қар.
Ақ дүние, сені аңсаған асыл жыр ек,
Көзайым күнді iздеген жасыл жібек.
Ағатай, қалмайықшы,
Жасып,
Жүдеп...
Тағдырдың уын ішкен,
Тасын күреп,
Ақөлең, біздің жүрек - ғашық жүрек.
Ақпанда алыс қырдан тапқан өлен,
Қанатын ақ айдында қаққан өлең.
Арманды арна болса ақтарар ем.
Жарық күн,
Жалғыз өлең жаттаған ем;
Ақөлең...
Айналайын, әппақ әлем...