Өлеңдер ✍️

Жер көк тайғақ, аспаннан қар жауып тұр,
Шырша көкке қарайды паңданып бір.
Сол шыршаның түбінде бір сұлу қыз
Жас жігіттің сөзіне алданып тұр.
Жер көк тайғақ, аспаннан қар жауып тұр.
Елең етпей қысқы жол қиынына,
Біреу шықты туған күн жиынына.
Ал саудагер мәз болып келе жатыр
Күні бойғы құраған тиынына.
Елең етпей қысқы жол қиынына.
Біреу өтті оңаша ойға кетіп,
Адамзаттың жігері бойда бекіп.
Қызыл-жасыл әшекей таққан такси
Үйленетін барады тойға кетіп.
Көк мұзда да жатады тойлар өтіп...