Өлеңдер ✍️

Қарға жүрсе қарқылдап күресінде,
Соған бола сен де оған күлесің бе?
Тəңір оған сыйлаған нəсіп болса,
Құштар ғой ол сондықтан күресінге.
Пенденің де бір ісі соған тектес,
Тоят тапқан жерінен ол да кетпес.
Тəн азығы таусылса жан қысылар,
Дайын асқа дəніккен терін төкпес.
Бір жылқыны жықса əкеп қасқыр жарып,
Жылы жұмсақ қазыға өзі қарық.
Көкжал кетсе тойған соң желе жортып,
Құмай, құзғын жемтікке болар қарық.
Құмай, құзғын қарғалар түлкі алмайды,
Түлкі түгілі қоянға бата алмайды.
Екі шоқып бір қарар сақ сауысқан,
Басқалары жемтіктен бас алмайды.