Өлеңдер ✍️

Ақ мамық бұлттар
ақ мамық төстер секілді
көгілдір көктем
көгінде нұрмен жетілді.
Биік те биік
жерлерде сол бір жаралып,
жерлерде сол бір
қалуға және бекінді.
Ақ мамық бұлттар
аспанда ұшса тізіліп,
ұялып қана
оянып бізде қыз үміт,
жап-жарық қылып
жаһанды жанған жүзіне,
қарадық жерден,
қарадық қанша қызығып.
Ақ мамық бұлттар
алыстап кеткен арман-ай,
созсам да қанша,
қолымның жетпей қалғаны-ай,
Өтермін қалай,
кетермін қалай өмірден,
бір сәтке болсын
екі арамызды жалғамай!
Ақ мамық бұлттар –
арман-ай...