Өлеңдер ✍️

Қашанғы жас
Бола бермек алашым.
Қағанатшыл хақтың төрі қара шың.
Қой көзінің жасыменен сүртеді,
Қарсақ тістеп қалып қойған жарасын.
Алашымнан анау қалған даңғыл-ды,
Күзеткен қол, жібектен жол қалдырды.
Жеңіс туы жер түбінен мұндалап,
Желпіндірді сан ғасырды, бал қырды.
Көз қамасып ару дала жүзінен,
Қоштасқанмын көктемімен, күзімен.
Күлтегінді көрдің бе деп сұрады,
Алтай асып бір тал гүлді үзіп ем.
Жас Алашым – жан шырылым, шындығым.
Шыңдарыңда қалсын менің бір жырым.
Жүрегінің қанын сығып параққа
Тəңіріне жалбарынды құл бүгін.