Өлеңдер ✍️

Ниеттес боп таулар менен қырқалар,

Күтіп жүрміз, көп кешікпей жет, көктем!

Күндіз-түні жауған мынау, ұлпалар,

Сені ойлаған түндерімдей көп не еткен?!

Жүрсің бе сен алыс-алыс жақтарда?

Артта қалған қайыңдарға алаң боп.

Тереземде жазылған көп хаттарда,

О, көктемім, өзің жайлы хабар жоқ!

Аяз сорды мынау қара халықты,

Кедей сорлап бай айырылды малынан.

Шамадан тыс озбырлығы қажытты,

Ақ патшаны құлат келіп тағынан.

Сәулелерін шек қып шертсін күн шығып,

Тіршілікке жан бітірсін күй демің.

Мына, сені қалай күтсе тіршілік,

Мені солай күтсе деймін сүйгенім!