Өлеңдер ✍️
  31.03.2022
  297

Автор: Жұмекен Нәжімеденов

ЖЕР ЕЛЖІРЕП, САМАЛ ЕСТІ БІР ЖІБЕК…

Жер елжіреп, самал есті бір жібек –
Таң келеді, таң келеді үлбіреп
Әйелдердің ақ тамағы секілді.
Гүлдер жүрді жасыл жаға, ақ маңдай –
Жұпар иіс – алақаны мақпалдай
Сыйпайды кеп менің ашық бетімді.
Су сылқытып әлденені жұтады,
Селк еткізіп серіппелі бұтаны
Тиін-тамшы иығыма секірді.
Алыс тартып әкетер ме көз мені,
Көре алмаса осы таңнан өзгені
Бұл көз маған – көз болмайтын секілді.
1965


  Жұмекен Нәжімеденов өлеңдері жер Самал жібек

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  БҮКІЛ ӘЛЕМ МАХАББАТТАН ТҰРАДЫ… ᐈ
  АШЫЛА ТҮС – ГҮЛІҢ БОЛСА ЖАНЫҢДА… ᐈ
  ҚҰРМЕТТЕЙМІН ЕРТЕ АШЫЛҒАН ГҮЛДЕРДІ… ᐈ
  БІР МЕЙІРІМ ТӨГІП ТҰРДЫ КҮН-ДАҒЫ… ᐈ
  ТҮН ЖЫРЫ ᐈ

Пікір жазу