Өлеңдер ✍️
  19.07.2021
  164

Автор: Оразақын Асқар

Жақсылық алда

Сары уайымға салынып,
Төндірме ақыр заманды.
Жақсылық алда барын ұқ,
Негізі жаңа қаланды.
Қиындық, ауыртпалықтың
Екені айқын не үшін:
Бағы үшін еркін халықтың
Теретін өзі жемісін.
Ентелеу оңай еңіске,
Бөгет көп шыңға өрлеуге.
Жеткенше нағыз жеңіске
Тиіспіз тыным көрмеуге.
Қамықпас қазір мұны ұққан,
Келмеске кетсін пәлекет.
Арылып құлдық құлықтан
Өзіңше жаса әрекет.


  жақсылық заман Оразақын Асқар Оразақын Асқар шығармашылығы Оразақын Асқар өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Шетте жүрген бауырластарға ᐈ
  Өз туым ᐈ
  Табан ᐈ
  Үйрен ана тіліңді ᐈ
  Достықтың да шегі бар ᐈ

Пікір жазу