Өлеңдер ✍️
  15.10.2023
  187

Автор: Әкім Ысқақ

Берсейші хабар, Арайлым

Шықпайтын болдың санамнан,
Бір сенде мендік бар арман.
Атпай-ақ қойды таң бүгін,
Шуақ боп келші жан нұрым!.

Есімді алған елес ең,
Хабарсыз кеттің неге сен.
Өткеннен, жаным, қалды із мың,
Аққудай сыңар, жалғызбын.

Жадымда бейнең тұрады,
Көңілдің өшпей шырағы.
Тағдырдың қысса сынағы,
Кім екен бұған кінәлі?

Шырқайды аспан түнгі әнін,
Өмірде тәтті мұң барын.
Толқиды жаным ақ айдын,
Берсейші хабар арайлым?!


  хабар хат Арайлым өмір ән жаным айдын

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Гүл көктем ᐈ
  Күнде сүйген күн жүзін ᐈ
  Жүректегі хат ᐈ
  Оқырманға хат ᐈ
  Сырғуда күндер, сырғуда ᐈ

Пікір жазу