Өлеңдер ✍️
Өлеңдер ✍️
10.09.2023
391
Сұлулыққа сөз бар ма
Сұлулыққа сөз бар ма,
Көретұғын көз бар ма,
Дәл осы сәт сұлусың,
Сәл тұра тұр қозғалма.
Сұлулықта сөз бар ма,
Одан жүйрік озған ба.
Сұлулыққа жетер ме,
Қолыңды көкке созғанда.
Жұлдыз, Айым, Күнімсің,
Жан-жүрегім жылынсын.
Сұлулыққа сөз жоқ қой,
Сұлусың жаным сұлусың.
Бұлбұлға сыйлап бақшасын,
Байлар шашсын ақшасын.
Тәңірдің сыйы – бұл да бір,
Сұлулық сұлу патшасың!..
26-27 қаңтар 2011 жыл
Алматы шаһары.
Алматы – Астана сапары,
№ 3 поезд, 7 вагон, 11-12 орын.
Әлеуметтік желілерде бөлісіңіз:
Facebook | VK | WhatsApp | Telegram | Twitter