Өлеңдер ✍️
Өлеңдер ✍️
07.06.2023
60
Талай жан сені жүр қимай...
Талай жан сені жүр қимай,
Жастық шақ, –
Жалын,
Көктемсің!
Кідірмей дүлдүл дүние-ай,
Зу етіп қалай өткенсің?!
Айдыным – тұнық.
Күз қонып,
Ол да ұшып кетті асығып.
Көктемім сүйген қыз болып
Түске енді ұйқы қашырып.
Биікке қанат сермеуде
Өтпейді ойсыз бір күнім –
Сайрап тұр әлі кеудемде
Көктемде қонған бұлбұлым!
Әлеуметтік желілерде бөлісіңіз:
Facebook | VK | WhatsApp | Telegram | Twitter