Өлеңдер ✍️

«Жалғызым!» – дедің –

Жалғыз сөз айттың балаңа,

Құлағымда сол қайталанып жүр, жан Ана!

Жасырып жүрген алтын балығымды іліп ап,

Көңіл көлімді шулатып кетті шағала.

«Жалғызым!» – дедің –

Жалғыз сөз айттың балаңа,

Дөп тиді келіп жүрегімдегі жараға.

Басқаға мынау мен көптің бірі болғанмен,

Жалғызың едім,

Жарығың едім, жан Ана!

«Жалғызым!» – дедің –

Көз жасымды көл ғып төккіздің,

(Орындалмаған арманымыз да көп біздің)

«Жалғызым!» – дедің –

Қиналып айттың, қимадың,

Жалғыз-ақ сөзбен барлығын маған жеткіздің!