Өлеңдер ✍️

Бұлт оранып, Көктұмсық,

Тұмсығыңмен от шымшып,

Түнде таза, мөп-мөлдір

Көз жасың ба?

Төктің шық.

Балдайымның қыры сен,

Тал-қайыңнын жыры сен.

Сағым тұрса, балқитын

Қатқан қара құрыш ең.

Ойлы да едің, бойлы едің,

Желді күні сөйледің,

Көлбең-көлбең ететін

Көктемде көк көйлегің.

Таң шиілден ататын,

Күн сен жаққа бататын.

Бұлттар қонып төбеңе

Диналыс боп жататын.

Бұлтқа оранып Көктұмсық,

Тұрсы ба әлі от шымшып?!

Сағыныш-ау...

Көзімнен

Мөлдір тамшы кетті ыршып...