Өлеңдер ✍️

Емеспін ерек өзіңнен,
Менің де бәлкім қатем көп.
Анам боп сүйіп көзімнен,
Құшақтап жүрсің әкем боп.
Айналайын, адамдар
Қарайсыңдар төніп кеп…
Көздерің маған сенеді.
Адалдықтарыңа еліктеп,
Жақсылық болғым келеді.
Ұстазымсыңдар, Адамдар!
Сендердің алақандарың,
Аялап мені тербеткен.
Сендерден атып таңдарым,
Таң нұрын сүйіп ер жеткем,
Бақытымсыңдар, Адамдар!
Тау көкірек талаппен,
Бердіңдер маған пәк арман.
Ұлылықтарыңа қарап мен.
Күнде бір қайта жаралам,
Арманымсыңдар, Адамдар!