Өлеңдер ✍️

Қайтсем екен, нетсем екен мен сені?
Сенің дертің басты асқақ еңсемді,
Нәзік жаным шыдар емес, ой тербеп,
Жел шайқаған тал шыбықтай теңселді.
Қайтсем екен, жалынсам ба мен саған?
Айтсам қайтед арманым деп аңсаған?
Жылар ма едім бәлкім қардай езіліп,
Жібермейді Әже-арым мені оған.
Нар «әжемнің» ерке қызы –мінезім,
Сен дегенде тіл алмайды қамал боп,
Қырсықтықпен гүл жүректің тілегін,
Ұға алмайды, ұқтыратын шамам жоқ.
Жоқ амалым! Ұғармысың аяулым,
Қыз сезімі –қазыналар қоймасы!
Жауап таппай, тоңдырса егер қаяу мұң,
Жанарымның жан сырына бойлашы.