Өлеңдер ✍️

Анам, анам, анамсың,
Ақылы асқан данамсың,
Бүткіл дүние бір төбе,
Бір өзің үлкен ғаламсың.
Өзіңнен өндім көгеріп,
Өзіңе жырды төгелік,
Жан анам, жоқ-ау теңдесің,
Әр ізің маған теберік.
Ақ сүтіңді еміздің,
Анам, анам дегіздің,
Махаббатың шексіз-ау,
Тамшыңмын сенің, теңізім.
Зылиха анам, қымбаттым,
Бәрінен сұлу, сымбаттым,
Сағынып кетсем өзіңді,
Ақ қағазға тіл қаттым.
Еркелетіп өсірдің,
Тентектік етсем кешірдің,
Бір өзіңде сияқты,
Қуаты өмір –көшімнің.