Өлеңдер ✍️

Ең көрікті,
Ең мықты, Ең маңызды
Тұлғаларға жыр арнауым парыз-ды.
Үшбұрыштың алар орны өмірде
Аты мəлім пирамида тəрізді.
Егестерде қорғап қалған елімді,
Еңселі еткен бетегелі белімді,
Қасиетті үшбұрыш деп атар ем
Ерлік,
Парыз, Сенімді.
Үнемі алға жетелейтін жастықты,
Қуатына таң қалатын қас тіпті,
Қасиетті үшбұрыш деп атар ем
Ар,
Махаббат, Достықты.
Ешқашан да сындырмайтын сағымды,
Адамзатқа ең керекті, қадірлі
Қасиетті үшбұрыш деп атар ем
Бақыт,
Арман, Сабырды.
Жақындатқан алыс пенен жақынды,
Елге жайған елеусіздеу атымды.
Қасиетті үшбұрыш деп атар ем
Талап,
Еңбек. Ақылды.
Өтер жылдар салып алуан өрнегін,
Ұшбұрыштан берік не бар ?
Көрмедім.
Ие болсам ұғымдарға осынау,
Өмірдегі
ПИРАМИДАМ Сол менің!