Өлеңдер ✍️
Өлеңдер ✍️
15.05.2022
200
Жайыққа
Қуанышым ба, қайғым ба,
Сен десе өртене берем.
Қашаннан мынау айдынға
Аққулар еркелемеген?
Қашаннан сенің құшағың
Шат күлкі, наз көрмеген?
Сағынып ылғи ұшамын,
Бұрын да аз келмегем.
Жүректі ойға көндірдік,
Дер едім іздеме мені.
Алыстап кеткен мөлдірлік
Оралмас біздерге енді.
Көктемді сонау ғажайып
Есіңе салсам деп келдім.
Кешір сен мені, Ақ Жайық,
Өзіңде қалсам деп келдім.
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇