Өлеңдер ✍️

Сенің әнің басып жүрек пернесін,
Тыңдағанды әлдилейді сазымен.
Сенің әнің үзіп сезім кермесін,
Жандырады жүректерді назымен.
Сен ән салсаң теңселеді көкте Ай,
Бар ғашықтың шерін қозғап тереңнен.
Тиегіңнің ағытылып кеткені-ай,
Жанды билеп әсем үнің өлеңмен.
Сен ән салсаң күллі дүние құлпырып,
Тыңдағанды тербетеді күй бөлек.
Жүректерден ғажап жырлар бұлқынып,
Тұлабойды тәтті сезім билемек.
Сен салған ән
Дәл өмірдің өзіндей,
Бірде тәтті, бірде ащы шалқиды.
Сол әніңмен ақтарылған сезімдей,
Көкірегімде бір сағыныш толқиды.