Өлеңдер ✍️

«Иә» мен «жоқтың» арасында жауабың,
Мен еститін сол үнсіздік баяғы...
Ал мен сенің көздеріңе табынып,
Жүрегімді жайнамаз қып жаямын.
«Иә» десең, таралады бойға ыстық,
«Жоқ» десең бе? Мен жаһанға сыймаспын.
Бізді қазір бір нүктеде ұстап тұр
«Иә» мен «жоқтың» арасында қимастық.
Кейде ұшып кетердейін құс болып,
Кірпігіңнің әр қимылы астарлы.
Сол кірпіктен тұтанады бір күні
«Иә» мен «келдің» ортасында құштарлық!