Өлеңдер ✍️

Жиылған жұрт, ағайын,
Сәлемдесіп алайын.
Мен де келдім байқауға,
Бар өнерді салайын.

Армысыздар, қазылар,
Әділдікке бастайтын.
Бүнгінгі бұл байқауда,
Жеңімпазды растайтын.

Арайлыммын, арумын,
Жақсылықты тілейтін.
Сыйластықпен үн қатар,
Жамандықты білмейтін.

Асқар қызы мен болам,
Жан сарайын ашатын.
Салтанаттың қызымын,
Жақсыға үн қосатын.

Руым арғын, орта жүз,
Көңілге шуақ шашатын.
Тектінің мен ұрпағы,
Дау-дамайды басатын.

Сұрасаңыз, байқауға,
Қатысқалы келгенмін.
Қарсыластың сөзінен,
Қалыспауға келгенмін.
Жаратқанға сиынып,
Өз-өзіме сенгенмін.
Баршаға тек сәттілік,
Жеңіс берсін келген күн.