Өлеңдер ✍️

Самғаған қыраны көгімнің - 

Азаттық айнасы елімнің.

Алтын күн нұрынан нәр алған

Дәулеті тасыған жерімнің.

Бабалар арманы,

Ұрпақтар қорғаны,

Жайнасын жалауың, Қазақстан!

Бақыттың Отаны,

Шаттықтың отауы,

Сөнбесін алауың, Қазақстан!

Ғасырлар жасаған сақ-далам

Даналар мұрасын сақтаған.

Айбынды, жалынды жастарың

Перзенттік парызын ақтаған.

Ардақтың жайылған желкені,

Бірліктің байрақты мекені.

Арысты, намысты болашақ

Өзіңді мақтаныш етеді.