Акция – фирманың меншік үлесі. Мұндай үлестің біреуін яки бірнешеуін сатып алуға болады. Егер фирма пайда тапса (ақша тапса), онда акция иесі, сатып алған үлес мөлшеріне орай, ол табыстың белгілі бір пайызын алатын болады. Үлесің аз болса, алатын пайдаң да аз, немесе – керісінше. Егер фирма шығынға батса, онда акция бағасы төмендейді. Мұндай кезде оны сатуға болмайды. Фирманың табысы қайта көтерілгенін тоса тұру керек. Бұл туралы Трумпф ханым «Клуб ақша сала бастады» деген тарауда тәптіштей түсіндіреді.