Үштағандар - Дүйсенәлі Әлімақын


Мазмұны:


ЖҰПАР

Махаббат. Шырқадым мен тылсым әнді.
Мен біреуге роза гүлін бердім,
Саусағымда сол гүлдің иісі қалды.


НАЛА

Әр таң туса,іңгәлар арманым көп.
Осы мен ақын емес шығармын-ау,
Өйткені,миф тудыра алғамын жоқ.


ДОССЫЗ ИМПЕРАТОР

Бұл өзі сан ғасырлық дерек еді.
Наполеон " Менде нағыз дос жоқ",- депті,
Соғысқанша дос іздеу керек еді.


ОҒАН...

Әркім оны жақыннан тыңдауға әуес.
Сенің дауысың емес пе,сенің дауысың
Жүрегімнен естілген жұмбақ дауыс.


АҢСАР

Дүние-ай,ерініңнен сүйгізбейсің.
Сенде бары қазірше тек асаулық,
Менде бары қазірше күндіз бен түн.


ҚҰС ҰҚСАТУ

Ұқсайды қиқуы да,ұшқаны да.
Алматыға топ етіп қона қалған,
Мыналар біздің ауыл құстары ма?!


САҒЫНЫШ. HOMESICK

Мың сағыныш және де мың аңсау бар.
"Біздің бала ауылды ұмытты",-деп,
Шақшасына түкіріп тұр-ау шалдар.




Іздеп көріңіз:

Қарап көріңіз:

Пікір жазу

Келесі мақала ашылудa...