Климат және ауа райы. Математика, 3 сынып,қосымша материал.

Тақырыбы: Климат және ауа райы

Оқу мақсаттары3.1.2.5. Үш таңбалы сандарды/мыңдықтарды санның ондық құрамы негізінде ауызша қосу және азайтуды орындау.

3.5.2.4. Қосу және азайту, көбейту және бөлу амалдары компоненттерінің атауларын жақшалы өрнектерді оқу мен жазуда қолдану.

Сабаққа қажетті ресурстар: Қима қағаздар; маркерлер;

Сабақты өткізуге ұсыныстар:

Оқушылардың сабаққа деген қызығушылығын арттыру мақсатында математикалық диктант жүргізу.

Үш таңбалы сандардың оқылуы мен жазылуын еске түсіру мақсатында математикалық диктант өткізу:

2 жүздік 8 ондық 3 бірлік;

5 жүздік 0 ондық 1 бірлік;

4 жүздік 6 ондық 0 бірлік;

7 жүздік 0 ондық 0 бірлік

Парталас көршісімен жұмыстарын ауыстыру арқылы тексереді, смайликтер арқылы бағалайды.

Мақсатты ашу

Бүгінгі оқу мақсатымен таныстыру:

Үш таңбалы сандарды қосу және азайту, жақшалы өрнекті оқуды және жазуды үйрену.

«Кім жылдам?» әдісі арқылы

үлестірмелі карточкалардағы тапсырмаларды ауызша есептеу

(немесе тақтада).

444 + 4 = .. 444 – 40 = ... 444 – 400 = ... 444 + 440 = ... 444 – 4 = ...

444 + 40 = ... 444 – 400 = ... 444 + 440 = ... 444 – 440 = ...

555 – 404 = ...666 – 404 = ... 777 – 404 = ...

Не өзгереді, не өзгермейді? Шешім шығарыңыз.

Қосу кезінде бірліктерді бірліктермен, ондықтарды ондықтармен, жүздіктерді жүздіктермен қосады. Азайту кезінде бірліктен бірлікті, ондықтан ондықты, жүздіктен жүздікті азайтады.

Ары қарай мұғалім оқулықтағы 1- тапсырманы береді.

Оқушылар жұппен қосуды орындап, жарыса жауаптарын салыстырады.

(Ж) 2- тапсырманы жұпта орындауды жалғастырады.

жауаптарын салыстырады. Бос орындарды қалай есептеп табуға болатынын сұрау. Санға қосындыны қосу деген қорытындыға келеді.

Өздік жұмыс.3-тапсырманы орындау. Үштаңбалы саннан екі таңбалы санды азайту, қосу дағдысын қалыптастыру. Шамаларға амаллдар қолдану дағдысын дамыту.

Бағалау: тапсырманың дұрыстығын тексеру

Қатемен жұмыс

Мұғалім тапсырманың дұрыстығын тексереді.

– Кімде қиындық туды?

– Қай жерде қателестіңіз?

– Қателесуіңіздің себебі неде?

– Өздік жұмыс кезінде қиындық болмаған балалар өз іс-әрекеттеріңіздің мақсатын құрастырыңыз.

(Қосымша тапсырманы орындау).

– Қиындық туындаған балалардың алға қойған мақсаты қандай?

(Қатені түзету).

– Қателерді түзету алгоритмін қолданамыз.

– Әркім өзінің оқу мақсатын айтады.

Сабақтың тақырыбы бойынша жұмыс.

Балаларға 5-тапсырманы қарап шығып, оқу ұсынылады.

- Әріпті өрнектің мәнін қалай табу керек? Бұл өрнектерді қандай топтарға бөлуге болады? (бір әріпті, екі әріпті).

(Т) Есепті топта талқылайды. Белгісізін қалай табуға болатынын ортаға салады. Қандай амал қолдану керек екеніне тоқталады. Есепті шығарады.

Әр топтан топ басшы ортаға шығып өз жауаптарын оқиды, қалған топтар өз жауаптарымен салыстырады, бағалайды.

Үлгі бойынша есептің мәнін тап.

Үлгі:

(a + 8) – b

а= 200

b= 100

(200 + 8) – 100 = 108

Алғашқы бекіту үшін 6, 7-тапсырмалар орындалады. Балалар өз таңдауымен тапсырмаларды орындайды.

Әріпті өрнектердің мәнін қойып, мәнін табады. Парталас көршісімен дәптерін ауыстыру арқылы тексеру жұмыстарын жүргізеді.

(Т) 8-тапсырма әр топқа бір тапсырмадан беріледі. Топ басшысы оқиды, қалған оқушылар өрнекті жазады.Өрнектің мәнін табады, критерийлер бойынша бағалайды.

(Т) Оқушылар топта жұмысты жалғастырады.

9- тапсырмада амалдарды орындайды, содан кейін бөлек параққа диаграмма жасайды.

(Ұ) 10-тапсырманы орындап, дұрыстығын тексереді.

(Ө) 11-тапсырма зерттеледі. Тиісті арифметикалық таңбаларды қояды. Тапсырманы орындап болған оқушылар тапсырманы орындауда қиындық туындағандарға көмек көрсетеді.

Рефлексия.

Сөйлемді аяқтаңыз:

Бүгін мен… білдім.

Маған… қызық болды.

Маған … қиынға соқты.

Мен… тапсырмаларды орындадым.