Сызықтарды құрастыру және анықтау. Математика, 2 сынып, сабақ жоспары.

Пән: математика

Ұзақ мерзімді жоспар бөлімі:

3 А бөлім «Түзулер және оларды құру»

Мектеп: Талдықорған қаласындағы физика-математикалық бағыттағы Назарбаев Зияткерлік мектебі

Мерзімі: 3 - тоқсан

Мұғалімнің аты-жөні: Құрмансеитова Р.М.

Сынып: 2

Сабақ тақырыбы

Сызықтарды құрастыру және анықтау

Осы сабақта қол жеткізілетін оқу мақсаттары (оқу бағдарламасына сілтеме)

2.3.1.6 Перпендикуляр түзу туралы түсінік

 Сабақ мақсаттары

Айнала қоршаған ортадан перпендикуляр түзулерді ажыратып үйрену.

 Бағалау критерийлері

Параллель және перпендикуляр түзулерді ажырата алады

 Тілдік мақсаттар

Түзулер, қиылысады, қиылыспайды, параллель, перпендикуляр, латын әрпі, қиылысу нүктесі термин сөздерін қолдана отырып, математикалық тілді дамыту.

 Құндылықтарды дарыту

Оқушылардың бойында іздену, салыстыру, пайымдау, дәлелдеу дағдылары дамиды.

 Пәнаралық байланыстар

Ғылымға кіріспе, дүниетану пәндерімен байланысады.

 АКТ

Перпендикуляр түзулері бар объектілерді фотоға түсіріп, АКТ-дан көрсетеді.

Алдыңғы меңгерілген білім

Параллель түзулер туралы түсінік алды.

Сабақ барысы

Сабақта жоспарланған іс-әрекет

(Ұ) Оқушылар көңілді шеңберге жиналады. Берілген суреттерден түзулер мен сызықтарды, геометриялық фигураларды ажыратып көрсетеді.

(МК) Перпендикуляр сөзі латын тілінен аударғанда «тік» деген мағынаны береді.  

Анықтама: тік бұрыш жасап қиылысқан екі түзу перпендикуляр түзулер деп аталады.

Түзулердің перпендикулярлығы «⟘» таңбасымен белгіленеді. a⟘b жазуы «а түзуі b түзуіне перпендикуляр» деп оқылады.

Әртүрлі мысалдар келтіру.

(ОТ.Т) Оқушыларға айнала қоршаған ортадан перпендикуляр түзулерді тауып, АКТ-да көрсету ұсынылады.

(Ө) Осы тақырыпты зерттеудің әр кезеңінде оқушыларға нақтылықты ескерте отырып, құрастыруды практикада орындауға мүмкіндік беру. k⟘m түзуін сызу.

(Ұ) Сергіту сәті.

(Дифф.Қ) Қабілеті жоғары оқушылар:

а түзуіне перпендикуляр АО кесіндісін жүргізу;

Қабілеті төмен оқушылар:

О нүктесінде қиылысқан с⟘d түзуін жүргізу.

(Қ) Оқушылардың параллель және перпендикуляр түзулерді ажырата білуін тексеру мақсатында кесте толтыру ұсынылады.

Рефлексия. Тақырыпты өте жақсы түсіндім деген оқушылар жетістік сатысына шығады.

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Оқушылардың әр іс-әрекеті бағаланып, мадақтау сөздер мен шапалақтау және смайликтер беру арқылы қолдау көрсетіледі.

Қабілеті жоғары оқушыларға а түзуіне перпендикуляр АО кесіндісін жүргізу ұсынылады;

Оқушылардың параллель және перпендикуляр түзулерді ажырата білуін тексеру мақсатында кесте толтыру ұсынылады.

Сабақ оқушылардың жас ерекшеліктерін ескере отырып жоспарланды.

Сабақта дене қозғалыс жаттығулары орындалады.

Сандық құрылғылармен жұмыс кезінде қауіпсіздік ережелері ескертіледі.