Түзулерді қарастыру. Математика, 1 сынып, қосымша материал.

ОБ сілтеме

Оқу мақсаты

Бағалауға арналған ұсыныс

Геометриялық фигуралар ұғымы

ГФҰ1.2

Нүкте, сәуле, тұйық және тұйықталмаған сызық, кесінді ұзындығы мен шекарасы туралы түсінік қалыптастыру және оларды ажырата білу

/Оқушыларға қағазға кез келген сызықтар сызып көрсетуді тапсырыңыз. Сызбаларды салыстыруды өтініңіз. Оқушыларға «Олардың бәрі бірдей ме? Бірдей болуы мүмкін бе? Сызықтардың атауын білесің бе? Оны қалай атауға болады?» т.б. сұрақтар қоя отырып, ой бөлісіңіз. Оқушыларға әр түрлі сызықтардың суреттерін ұсынып, ішінен аталған фигураны анықтауды тапсыруға болады. Сондай-ақ оқушылардан аталған геометриялық фигураларды сызып көрсетуді өтінуге де болады. Оқушылардың сызықтарды бір-бірінен ажырата алуын, атауы бойынша қарапайым сызықтарды сыза алу дағдысын бағалаңыз./

Тапсырма: Түрлі- түсті жіптерді пайдаланып, табиғатта кездесетін заттарды (мысалы, бұлт, тау, өзен, т.б) бейнелеп көрсету және олардың қандай сызықтарға ұқсайтынын айту.

нүкте, сәуле, тұйықталған және тұйықталмаған сызықтарды, кесінділерді ажырата алады;

сызықтарды жіптер арқылы бейнелейді және қай сызық түріне ұқсайтынын айта алады.