Қазақстан - менің елім №2. Қазақ тілі (орыс сыныбы), 4 сынып, сабақ жоспары.

Пән: Қазақ тілі Т2

Ұзақ мерзімді жоспар бөлімі:

1-бөлім «Менің Отаным – Қазақстан»

Мектеп: Талдықорған қаласының физика-математикалық бағытындағы Назарбаев Зияткерлік мектебі

Мұғалімнің аты-жөні: Кушерова Л.К.

Күні:

Сынып: 4

Қатысқандар саны:

Қатыспағандар саны:

Сабақтың тақырыбы

Қазақстан - менің елім №2

Осы сабақта қол жеткізілетін оқу мақсаттары (оқу бағдарламасына сілтеме)

3.1 Оқу түрлерін қолдану

4.3.1.1 мәтінді іштей, түсініп және қажетті ақпаратты тауып/шолып/белгі қойып оқу

Сабақтың мақсаттары

Барлығы: мәтінді іштей, түсініп оқиды.

Көпшілігі: мәтінді іштей, түсініп және қажетті ақпаратты тауып оқиды.

Кейбірі: мәтінді іштей, түсініп және қажетті ақпаратты тауып белгі қойып оқиды.

Бағалау критерийлері

Мәтінді іштей, түсініп және қажетті ақпаратты тауып белгі қойып оқиды.

Тілдік мақсаттар

Лексикалық минимум: тәуелсіз, мемлекет, халық, ұлт, елбасы, сүр, ұлан

Құндылықтарды дарыту

Өз Отанын қорғауға, сүйюге тәрбиелеу.

Пәнаралық байланыс

ана тілі, дүниетану сабағы

АКТ қолдану дағдылары

таныстырылым

Бастапқы білім

Менің Қазақстаным монолог құру

Сабақ барысы

Сабақтағы жоспарланған іс-әрекет

Үй тапсырмасын тексеру.

Қызығушылығын ояту.

Бейтаныс аудитория алдында сөйлеуі мүмкін екендігін ескертіп, өз елін таныстырудан бұрын ең алдымен өзін таныстыруы керек екендігін айту қажет.

Мысалы, «Сәлем, менің есімім Қайрат. Мен Қазақстанда тұрамын. Қазақстан – үлкен мемлекет. Оның жері өте үлкен. Қазақстанның астанасы – Астана қаласы», т.б.

Сабақтың тақырыбы: Менің Қазақстаным

Сабақтың мақсаты:

• Мәтінді іштей, түсініп және қажетті ақпаратты тауып белгі қойып оқиды.

Оқылым алды тапсырмасы.

(С) Сіздердің сыныпқа журналист келді. Оның сұрақтарына жауап беріңіздер.

• Сен қай мемлекетте тұрасың?
• Қазақстан Республикасы қандай мемлекет?
• Қазақстанда кімдер тұрады?
• Қазақстан Республикасының мемлекеттік тілі қандай?

(Ж) Мақал-мәтелдерді оқып, мазмұнын талдау.

Туған жер – алтын бесік.

Өз елім – өлең төсегім.

Отан отбасынан басталады.

Оқушылар мәтінді оқып, таныс емес сөздерді ортаға тастайды. Талдайды.

Оқылым кезеңі.

Қазақстан - Отанымыз, кең байтақ еліміз. Қазақстан – тәуелсіз мемлекет. Астанасы – Астана қаласы. Мемлекеттік тілі – қазақ тілі. Өз рәміздері бар. Қазақстанда көп ұлттар өмір сүреді. Қазақстан көлемі жағынан тоғызыншы орында тұр. Қазақстан табиғи ресурстарға бай. Біздің еліміздің табиғаты өте сұлу. Биік таулар, мөлдір көлдер, түрлі өсімдіктер мен дәрілік қасиеті бар шөптер өседі. Қазақстан жерінде түрлі аңдар мен құстар, жануарлар мекендейді.

Оқылымнан кейінгі тапсырма.

ЖЖ. Жұптар бір-біріне сұрақтар құрастырып қояды.

Т. Мәтінмен жұмыс барысында сыныпты үш топқа бөлу. «Топтық тергеу» стратегиясын қолдану.

1-ші топ тыңдалған мәтін бойынша түйінді сөздерді теріп жазады;

2-ші топ негізгі ойды анықтайтын сөйлемдерді жазады;

3-ші топ мәтінді толықтырып, Қазақстан туралы өз ойларын постер арқылы қорғайды.

Жұптар бірін-бірі бағалайды.

Мен бүгін сабақта ..., ..., ... үйрендім.

Бағалау – оқушылардың материалды меңгеру деңгейін қалай тексеруді жоспарлайсыз?

Жұптар бірін-бірі бағалайды.