«Даладағы жауын» Әдібай Табылды. Әдебиеттік оқу, 3 сынып, дидактикалық материал.

Даладағы жауын

Әдібай Табылды

Жонынан ат жүргендей,

Бұлт сөгілді шартылдап;

Күн қойнына кіргендей,

Жарқ етті бұл атырап.

Жалғыз басын қорғалап,

Шошып кетті кесіртке;

Аласұрып жорғалап,

Жасырынды кесекке.

Қонды гүлге көбелек,

Жалпылдайды сасқанда;

Қанаттарын жебелеп,

Бозторғай тұр аспанда.

Жауын жауды сатырлап,

Шомылдырып көгалды;

Тұна қалды атырап;

Бозторғай да дем алды.

Ырғалды көп жапырақ:

Желге билеп тұрғандай.

Жауын жауса, жапырлап,

Ду шапалақ ұрғандай.

1-қосымша

2-қосымша

Өлеңі бойынша сұрақтарға жауап беріңдер:

• Өлеңнің мазмұнына назар аудар
• Маңызды тұстарын анықта
• Сұрақтарға жауап береді.
• Бұлт қалай шартылдады?
• Атырап қалай жарқ етті?
• Гүлге көбелек қалай қонды?
• Жауын жауғанда табиғат қалай өзгереді?

3-қосымша

Рөлге бөлініңдер.

Баяндаушы

Сұрақ қоюшы

Дәнекерлеуші

Із кесуші

4-қосымша