Репортер болсам (1 сынып,3 бөлім )

 Репортер болсам  (1 сынып,3 бөлім )

Пән: Сауат ашу.
Ұзақ мерзімді жоспар бөлімі: «Менің отбасым және достарым»
Сабақ тақырыбы: Репортер болсам
Оқу мақсаттары: 1.2.5.1 Мәтін немесе сурет бойынша сұрақтар қоя білу немесе оқығаны бойынша қойылған сұраққа жауап беру
1.3.4.1 Тақырыпқа байланысты тірек сөздерді қолданып жай сөйлемдер/мәтін құрастыру және жазу
1.3.3.1.Мұғалім көмегімен мәтінге суреттер, сызбалар арқылы жоспар құрып, оған (ат) тақырып қою
Сабақтың максаттары: Барлық оқушылар орындай алады: тірек сөздер арқылы жоспарға сай сұрақ қойып, жауап бере алады.
Көпшілік оқушылар орындай алады: сұхбат жүргізе алады
Кейбір оқушылар ғана орындай алады: бірнеше оқушыдан сұхбат алып, сұхбат беруші жауабын салыстыра алады.
Сабақ барысы: Қызығушылықты ояту.
«Бас бармақ» әдісі арқылы көңіл-күйді анықтау.
Бейнежазба көрсету ( Сұхбат туралы бейне жазба көрсету)
-Бейнежазбадан не көрдіңдер? Бір-бірімен сөйлескен екі адам.
Осылай сұрақ қоя отырып, пікірлесуді сұхбат дейді -Сұхбат алған репортерді көрдіңдер ме?
Репортер деп сұхбат алушыны айтады. Бұл- халықаралық термин. Осы бейнежазбада екі адамның қайсысы репортер деп ойлайсыңдар?
Өздерің репортер болғыларың келе ме? Олай болса ол туралы бүгінгі сабағымызда танысамыз, тақырыбымыз: Репортер болсам.
Мақсаты:
1.2.5.1 Мәтін немесе сурет бойынша сұрақтар қоя білу немесе оқығаны бойынша қойылған сұраққа жауап беру
1.3.4.1 Тақырыпқа байланысты тірек сөздерді қолданып жай сөйлемдер/мәтін құрастыру және жазу
1.3.3.1 Мұғалім көмегімен мәтінге суреттер, сызбалар арқылы жоспар құрып, оған (ат) тақырып қою.
Оқулықпен жұмыс.
Суретке назарларын аударту. «Суретте кім бейнеленген?
(Суретте оқушының сұхбат алу туралы ойланып тұрған сәті берілгені айтылады)
- Ол не туралы ойланып тұр деп ойлайсыңдар? Сұхбат алуда бірінші нені ойлау керек? (Оқушылардың өз ойын еркін айтуына мүмкіндік жасау)
- Сұхбат алу үшін:
1. Кімнен сұхбат алу керектігін анықтау.
2. Қандай тақырыпта әңгіме қозғау керектігін нақтылау.
3. Қойылатын сұрақтарды дайындау. Міне, осындай жоспарлаудан кейін ғана сұхбат алушымен кездеседі.
-Егер досыңнан сұхбат алуға мүмкіндік берілсе, қандай сұрақтар қояр едіңдер, кімнен сұхбат алар едіңдер? Сұхбат алу үшін тақырып болуы керек дедік. Мен сендерге тақырып тастаймын. Ортақ тақырыбымыз отбасы туралы және өткен тарауымыз мектеп туралы сұрақтар ойланып көрейік.
(Өз беттерімен әр оқушы ойланып, сұрақтарын, сұхбат алу жоспары туралы өз ойын айтады)
-Сұхбат алуда да, сұхбат беруде де мәдениетті сақтау маңызды.
«Кел, сөйлесейік» айдары:
«Карусель әдісі»
Сұрағымызды ойланып болсақ, сұхбат беруші және репортер рөліне енейік.
Алдарыңда микрофон тұр, микрофон алған оқушылар сыртқы шеңберге, қалған оқушылар ішкі шеңберге тұрыңыздар. Ішкі шеңбердегі оқушылар сағат тілімен бағыттас қозғалып отырады. Сыртқы шеңбердегі оқушылар орында тұрады. Сыртқы шеңбердегі оқушылар репортерлар өз сұрақтарын қояды. Сұхбат берушілер жауап береді. Келесіде рөлдерін және орындарын ауыстырады. Репортерлар қолдарындағы жұлдызшаларын толық, мәдениетті жауап берген сұхбат берушіге тағады. Соңында жұлдызшаны көп жинаған оқушыларды анықтаймыз. Сұхбат алу үшін тақырып болуы керек. Сондықтан 1-репортерлар ортақ тақырыбымыз отбасы туралы, 2- репортерлар откен тарауымыз мектеп туралы сұрақ қояды. Сонымен қатар әр репортер сұхбат алмастан бұрын амандасып, рахмет айтуды ұмытпайсыңдар. Мен сырттарыңнан тыңдай отырып, ең мәдениетті репортерларды үлкен жұлдызшамен бағалаймын.
-Ал енді оқушылар репортер үшін ең маңыздысы сұрақ құра білу болды, олай болса алдарыңдағы тірек сөздер берілген сол арқылы сұрақ құрастырып көрейік.
Жазылым :
Үлгіге қарап , сұрақтар құрастырайық.
Сенің __________ бар ма?
_____________ неше жаста?
__________мектепке бара ма?
Көмекші сөздер: аға,апа ,іні, қарындас
(Әр оқушы бетшеге жазады, әр сөйлемді интерактивті тақтада орындату)
-Орындап болсақ осы сұрақты өздерің қалаған оқушыға барып қойып сұхбат алуларыңа болады. (1-2 оқушыны тұрғызып сұрау)
Қорытынды : Репортер деген кім ?
- Сұхбат алу үшін қандай жоспар керек?....


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 1 111



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі