Қазақша өлең: Үмбетей жырау (Ханға жауап айтпасам) » ZHARAR © 2016 | үмбетей жырау Ханға жауап айтпасам өлең стихи на казахском умбетей жырау казакша олен, үмбетей жырау өлеңдері, стихи на казахском языке умбетей жырау, умбетей жырау олендери, Ханға жауап айтпасам




  • »

Қазақша өлең: Үмбетей жырау (Ханға жауап айтпасам)

Қазақша өлең: Үмбетей жырау (Ханға жауап айтпасам) казакша Қазақша өлең: Үмбетей жырау (Ханға жауап айтпасам) на казахском языке

Ханға жауап айтпасам,
Ханның көңілі қайтады.
Қандыра жауап қатпасам,
Халқым не деп айтады?
Хан Абылай, Абылай,
Қайғылы мұндай хабарды
Сұрамасаң не етеді?
Сұраған соң айтпасам,
Кісілігім кетеді.
Енді айтайын, тыңдасаң,
Маған қаһар қылмасаң.
Қарағай - судан қашықтап,
Шөлге біткен бір дарақ.
Шортан - шөлге шыдамсыз,
Балықтан шыққан бір қарақ.
Ойлама шортан ұшпас деп,
Қарағайға шықпас деп.
Күнбатыстан бір дұшпан
Ақырда шығар сол тұстан.
Күншығысқа қарайды,
Шашын алмай тарайды.
Құдайды білмес, діні жоқ,
Жамандықта міні жоқ,
Өзі сынды бір кәпір,
Аузы-басы жүн кәпір
Жаяулап келер жұртыңа!
Жағалы шекпен кигізіп,
Балды май жағар мұртыңа.
Жебірлерге жем беріп,
Ел қамын айтқан жақсыны
Сөйлетпей, ұрар ұртына.
Бауыздамай ішер қаныңды,
Өлтірмей алар жаныңды,
Қағазға жазар малыңды,
Есепке салар барыңды,
Еліңді алар қолыңнан,
Әскер қылар ұлыңнан!
Бұл айтқаным, Абылай,
Болмай қоймас артыңнан.
Тексізді төрге шығарып,
Істетер сұмдықты ұйғарып.
Асан сөзі осылай
Бүгін үшін аһ ұрған.
Жауабыма қандың ба,
Естіп болып қартыңнан?!


Санат: KZ портал » Қазақша Өлеңдер жинағы | | 42
Рейтинг:
(голосов: 0)

.

. .