Роза Рымбаева өзі оқыған мектепке бір миллион теңге аударды

Роза Рымбаева өзі оқыған мектепке бір миллион теңге аударды казакша Роза Рымбаева өзі оқыған мектепке бір миллион теңге аударды на казахском языке

Қазақстанның халық əртісі, белгілі əнші Роза Рымбаева «Рухани жаңғыру» бағдарламасы аясында Шығыс Қазақстанда бастау алған «Менің мектебім» жобасына өзіндік үнін қосты. Атақты әнші өзі оқыған мектебіне 1 миллион теңге аударды деп хабарлайды nur.kz, «ҚазАқпарат» Агенттігіне сілтеме жасап.

Еске сала кетейік, бүгін Өскемен қаласында Шығыс Қазақстан облысының барлық кәсіпкерлері бас қосқан «Туған жер» атты ауқымды форум болып өткен болатын. Аймақ басшысы Даниал Ахметов шара барысында Шығыс Қазақстанның кәсіпкерлері өңірдің дамуына зор үлестерін қосып, «Рухани жаңғыру» бағдарламасы аясында «Менің мектебім» атты жобаға белсене атсалысқанын тілге тиек етті.

Даниал Ахметовтың айтуынша, осы жоба арқылы аймақтағы барлық мектепті заманның озық биология, химия, физика және робототехника кабинеттерімен жабдықтау көзделген. «Өңірдегі барлық білім ордалары Назарбаев Зияткерлік мектебінен кем болмауы керек», - дейді аймақ басшысы.

Кәсіпкерлер аймақ басшысының бастамасына қолдау білдіріп отыр. Олармен бірге игі жобаға әнші Роза Рымбаева да үн қосып, өзі түлеп ұшқан білім ордасына 1 миллион теңге аударды. Кəсіпкерлер мен танымал тұлғалар тарапынан жиналған қаражат «Парыз» атты облыстық қорға аударылып, сол қордан өңірдегі мектептерге бағытталмақ. Айта кетерлігі бүгінгі күнге дейін «Менің мектебім» жобасына 2 млрд 300 млн теңге жиналған.




KZ » Қазақша Жаңалықтар жинағы, теңге, мектебім», «Менің, Қазақстанның, аударды, миллион, жобасына, барлық, аясында, бағдарламасы, жаңғыру», «Рухани, Рымбаева, сілтеме, халық, Даниал, басшысы, жиналған, Қазақстанда, Роза Рымбаева, теңге, мектебім», «Менің, Қазақстанның, аударды, миллион, жобасына, барлық, аясында, бағдарламасы, жаңғыру», «Рухани, Рымбаева, сілтеме, халық, Даниал, басшысы, жиналған, Қазақстанда, Роза Рымбаева, Роза Рымбаева өзі оқыған мектепке бір миллион теңге аударды, Роза Рымбаева өзі оқыған мектепке бір миллион теңге аударды