👈 қаріп өлшемі 👉

Көңілді ойындар


Білім беру саласы: «Қатынас», «Таным».
Ұйымдастырылған оқу қызметі: Тіл дамыту, Сенсорика, Жаратылыстану.
Тақырыбы: «Көңілді ойындар».
Мақсаты: Түрлі ойын тапсырмалар арқылы балалардың қиялы мен қабілетін жетілдіру. Балалардың сөздік қорын толықтыру, байланыстырып сөйлеуге дағдыландыру. Балаларды ұйымшылдыққа, достыққа, бір - біріне көмектесуге, еңбексүйгіштікке тәрбиелеу.
Қолданылған технология түрі: ТРИЗ.
 Сөздік жұмыс: Сайқымазақ.
 Билингвальды сыңары:
жасыл - зеленый, сары - желтый, қызыл - красный, көк - синий.
Заттық дамыту ортасы: түрлі - түсті шарлар, пішіндер, қима қуыршақтар, қима суреттер.
 Мотивациялық - қозғаушылық
Шаттық шеңбері
Біз әдепті баламыз,
Жайнай берсін даламыз.
Табиғатты сүйеміз,
Қамқорлықпен қараймыз.
Балалар шеңбер бойына тұрып өлең жолдарын қайталайды.
 Ұйымдастырушылық - ізденістік
 - Балалар қазір жылдың қай мезгілі? (Қазір жылдың көктем мезгілі).
- Көктем мезгілінде неше ай бар? ( наурыз, сәуір, мамыр).
- Көктем мезгілінің ерекшеліктерін атап жіберейікші?
- Күн жылынады, қар ериді, құстар жылы жақтан ұшып келеді.
- Дұрыс айтасыңдар балалар, көктем мезгілінде күн жылынады, айналадығы қар, өзен, көлдердегі мұздар ериді. Жаңбыр жиі жауады, кемпірқосақ шығады. Талдар бүршік атады. Көктемнің алғашқы гүлдері бәйшешек, қызғалдақ гүлдейді.
Тосын сәт: Хат тасушы келеді.
- Сәлеметсіңдер ме, балалар. Бұл «Балапан» тобы ма? (Балалар амандасады)
- Иә.
- Мен «Балапан» тобына хат әкелдім.
Тәрбиешіге хатты беріп: - Балалар менің басқа да топтарға тарататын хаттарым бар, соларды таратайын. Сау болыңдар.
Тәрбиеші: Балалар бұл хат бізге кімнен келді екен, ашып оқып көрейік.
- Сәлем балақайлар! Мен шарларымның түстерін шатастырып алдым. Сендер маған шарлардың түстерін дұрыс табуға көмектессеңдер, мен сендерге қонаққа барамын.
 Сәлемнен Сайқымазақ.
- Балалар, біз Сайқымазаққа көмектесеміз бе?
- Олай балса, Сайқымазақтың шарларын жібінің түстеріне қарай орналастырып берейік.
Ойын: «Түстерін тап»
Шарты: жіптердің түстеріне қарай шарларды орналастыру.
Әуен ырғағымен сайқымазақ келеді.
- Сәлеметсіңдер ме, балалар! Менің шарларымның түстерін дұрыс тауып бергендерің үшін сендерге көп рахмет.
- Балалар, Сайқымазақтың шарларының түстерін атап шығайықшы?
Балалар шарлардың түстерін атайды.
Билингвальды сыңары: жасыл - зеленый, сары - желтый, қызыл - красный, көк - синий.
- Балалар, біз Сайқымазаққа мына көңілді қуыршақтарды үлкеннен кішіге қарай орналастырып көрсетейік.
Балалар қуыршақтарды үлкеннен кішіге қарай дұрыс орналастырады.
Сайқымазақ: Балалар! Сендер мені таңғалдырдыңдар, енді мен сендердің көңілдеріңді көтерейін.
Сергіту жаттығуы.
 
Балалар Сайқымазақпен әуен арқылы қимыл - қозғалыс жасайды.
Сайқымазақ балаларды мақтайды.
- Балалар біз бойымызды сергітіп алсақ Сайқымазаққа пішіндер туралы айтып берейік.
- Қандай пішіндерді білеміз? (Үшбұрыш, төртбұрыш, шеңбер).
- Енді осы пішіндерді алмаларға орналастырып көрсетейік.
- Алдымен алмалардың түстерін атап жіберейікші, мынау алманың түсі қандай?
- Сары алмаға қандай түсті пішінді орналастырамыз?
- Келесі алманың түсін кім айтады?
- Жасыл түсті алмаға қандай түсті пішінді орналастырамыз?
- Келесі алманың түсін кім айтады?
- Қызыл түсті алмаға қандай түсті пішінді орналастырамыз?
Балалар тақтада және партада тұрып орындайды.
Сайқымазақ: Балалар сендер өте білімді, тапқыр бала екенсіңдер.
Мен сендерге өзімнің көңілді тәттілерімді алып келдім.
Қоштасып шығып кетеді.
Рефлексифті - түзетушілік:
Оқу қызметін қорытындылау.
- Балалар біз кімнің шарларының түстерін тауып бердік?
- Сайқымазақ сендерге ұнады ма?
- Алмаларға қандай пішіндерді орналастырдық?
 Оқу қызметінің соңында балаларды мақтап, мадақтау.
Күтілетін нәтиже:
 Біледі:
үлкен - кішіні салыстыруды, түстерді, пішіндерді ажыратады.
 Меңгеруі:
жаңа сөздерді меңгерді.
Жасай алуы: тапсырмаларды дұрыс орындай алады.

Тараз қаласы
№13 бөбекжай- бақша тәрбиешісі Даутова Нургуль Бахбергеновна


Источник: bilimdiler.kz
Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстандағы жеңілдетілген автокөлік несиелері: Автосалондар қосымша қызмет алуға мәжбүрлейді 20.05.2022
» 220-дан астам адам арыз жазған: Алматыда Qnet қаржылық пирамидасына қатысты қылмыстық тергеу басталды 18.05.2022
» Мектепте оқушы зорланды: мектеп директоры мен мұғалімдері соттала ма? 18.05.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы