Анама

Емізіп, ақ сүт берген балаға

Анадан артық жақының бар ма жаһанда

Ақ сүтін татып көрмеген сірә сезбейді

Уыздың дәмін алмаған қалар арманда

Арманда қалма, анаңды сыйла қарағым.

Шырағың ана маңдайыңдағы жарығың

Уыздың дәмін кетіріп алма таңдайдан

Анаң барда адымдай түсер қадамың

Анаңды арқалап Меккеге барсаң да

Жете алмай, шалдығып, жолда қалсаң да

Өтелінбес ана алдында борышың

Суыққа тоңып, отқа күйіп жансаң да

Анаңның бір түн бөлген ұйқысын

Перзенттері оны сірә ақтар ма?

Ана деген қарағым сенің ырысың

Анаңды сыйла, қиналмай көтер аспанға.