Өлеңдер ✍️

Махаббат, үміт, шусыз даңқ,
Алдады үзақ тұра алмай,
Желігі өтті жастық шақ,
Көрген түс, таңғы тұмандай.
Суымас бірақ, қанымыз,
Жәбірлеп тағдыр басынса;
Тыныштық таппас жанымыз,
Жәрдемге Отан шақырса.
Күтеміз мойып жасқанбай,
Еркіндік берсе өжет үн.
Жас жігіт аңсап тосқандай,
Кездесу сәтті мезетін.
Ар үшін қуат жалғайық,
Суытпай жүрек қарқынын.
Отанға досым, арнайық,
Асау жан жайсаң шалқуын.
Иланшы, жолдас: жағылар,
Бақ жұлдызы жап-жарық;
Ұйқыдан Ресей арылар,
Қалдығында патшалық,
Атымыз біздің жазылар.