Өлеңдер ✍️
Өлеңдер ✍️
01.06.2022
78
Сыр да...
Сыр да,
Жыр да,
Тіпті, қыр да самғайды,
Ағып түскен жұлдыздай!
Күн бе,
Түн бе,
Мейір мүлде қанбайды,
Тірлік мойын бұрғызбай...
Өң бе,
Түс пе,
Бітер іс пе – білмеймін,
Жанғым келер жасындай!
Елес
Емес,
Нақты белес – тағдырыма күл мейлің,
Күткен əр күн – ғасырдай...
Бақ та,
Тақ та,
Бар атақ та алдамшы,
Баста мəңгі тұрмаған.
Келер,
Кетер,
Сөйтіп өтер жалған бұл –
Шарасыздық шырмаған...
Әлеуметтік желілерде бөлісіңіз:
Facebook | VK | WhatsApp | Telegram | Twitter