Өлеңдер ✍️
  22.05.2022
  94

Автор: Сəбит Бексейіт

Жалғыз мен бе телмірген жұмбақ айға?

Орнағандай кеудеме жаһан шері,
Жалғыз мен бе қайғы-мұң қаламгері.
Ақтоқтысы қор болып бөктергіге,
Аңыраған дәл мендей Ақан сері.
Жалғыз мен бе зар шеккен, ақымақ-ай,
Келтіре алам мысалды әлі талай.
Тоғжанынан тірідей айырылып,
Күңіренген дәл мендей хакім Абай.
Жалғыз мен бе телмірген жұмбақ айға,
Айкезбе боп кетпейін, түнде абайла.
Ләйласынан жалғанда көз жазып қап,
Жылап өткен дәл мендей Жұматай да.


  жалғыздық ай Сəбит Бексейіт Сəбит Бексейіт өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Елік ᐈ
  Жас едік біз уыздай, өндір едік... ᐈ
  Қызқарағай ᐈ
  Уәде - құдай сөзі ᐈ
  Жаңа дәуір жаңғырығы ᐈ

Пікір жазу