Өлеңдер ✍️
  20.05.2022
  115

Автор: Несіпбек Айтұлы

Қайғымды қалыңдаттың

Қайғымды қалыңдаттың неге менің,
Қасымда ұшып-қонған, көбелегім?
Жаныңа керегіңді қайдан табам,
Білмеймін өзіме де не керегін?
Құйылып өзегіме жалын көптен,
Күйім бар күйіп-жанып қаным кепкен.
Өксиді жараланған жыр жүрегі,
Бір тамшы ем таба алмай қалың көптен.
Қиянат қиып түссе жыр қанатын,
Төбеме төңкерілер бір қара түн.
Сондайда көңілді өзің жұбатпасаң,
Шығармын шынында да жынданатын...


  қайғы қалың Несіпбек Айтұлы өлеңдері Несіпбек Айтұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Кінәлай көрме ᐈ
  Ғасырмен қоштасу ᐈ
  Төрттағандар ᐈ
  Ит жатпаса іргеңе... ᐈ
  Сардардың сүрінсе аты ең алдағы... ᐈ

Пікір жазу