Өлеңдер ✍️

Жаны ынтығып теңізге көбік шашқан,
Өзендер көп толқынын алып қашқан.
Таулар да көп асқақтап,
Шөгіп кеткен,
Төбесінен оны да көріпті аспан.
Көкірегінде көктің де ән болады,
Күркіресе көк аспан – зарлағаны.
Тағы да сол биікте жанып тұрып,
Небір жарық жұлдыздар сорғалады.
Нәзік сезім.
Қыз мінез көктем біткен,
Күннен күткен, тірлікті көктен күткен.
Дегенменен көп ағаш кеткендіктен.
Сол аспанға жетем деп кеткендіктен.
Өзге жайлы,
Мейлі ойла өзің жайлы,
Ақыл– бақыт байқасаң,
Сезім– қайғы.
Мәңгілікке бәріміз ұмтыламыз
Мәңгі тірлік ешкімге жазылмайды.