Өлеңдер ✍️

Өмірде адам таңдамайды баласын,
Үйлестіріп оны тағдыр сыйлайды.
Өмірде адам таңдамайды анасын,
Сүйеді оны, еш адамға қимайды.
Ризамын бәріне де бүгін мен
Бұза алмаймын өз-өзіме сертімді.
Егер таңдау мүмкін болған күнінде
Қайта алар ем осы қара кемпірді.
Туған жерді таңдамайды тағы да
Кіндігінің қаны тамған қастерлі.
Тау ма, ой ма, сор ма әлде бағы ма –
Сүйеді оны іздеместен басқа елді.
Таңда десе қайта бастап өмірді,
Сәби жүрек емес оған айыпты.
Жырлау үшін, сүю үшін елімді
Мен қайтадан таңдап алам Жайықты