Өлеңдер ✍️
Өлеңдер ✍️
15.05.2022
98
Даланың тентек дауылы
Жер менен көктің арасын
Ақ түтін етіп барасың.
Даланың тентек дауылы-ай,
Үнемі солай соғасың.
Суырылып сайдан, жырадан,
Жас талды жұлқып жылаған,
Ақ ұлпа қарды шашасың,
Осы ойын саған ұнаған.
Ысылдай соғып желім де,
Әзірсің бәрін көмуге.
Далада туған қайсарлар
Ықтасын іздер дедің бе?
Аспанға қарды көтерме,
Әуреге түспе бекерге.
Намысты туған ұрпақтар
Мекенін тастап кетер ме?..
Әлеуметтік желілерде бөлісіңіз:
Facebook | VK | WhatsApp | Telegram | Twitter