Өлеңдер ✍️

Қатарымнан қалып қойдым көп кейін,
Күдір жолда көлігі əлсіз көштейін.
Талғамыммен сəйкесе алмай тағдырым.
Бірі алға, бірі тартты көш кейін.
Ауыр болды өмір жолы өнерде,
Орным менің болғандықтан төменде.
Қарайды ғой көз де көңіл жоғары,
Тең тұрмасаң кім қарайды төменге.
Қараса да қарайды олар төбеңнен,
Дегендей-ақ кім санасар Шөнеңмен.
Сен жүрсең де төрт аяқтап төбемнен,
Мен де есемді қайырамын өлеңмен.