Өлеңдер ✍️
Өлеңдер ✍️
12.05.2022
128
Ыстық-ыстық кеудеме басқым келер...
Ыстық-ыстық кеудеме басқым келер,
сонда бойға бір қуат, тасқын келер,
есіме сап кезімді жалын атқан,
есіме сап кезімді жаспын деген.
Сен де, сәулем, есіңе ал сол шағыңды,
қуаныш пен қызығың мол шағыңды.
Жайтаң қағып жанарың жанып қара,
қуып таста кеудеңнен болса, мұңды.
Тұрмасақ та еңкейіп, ерте өлейік,
еркелейік,
тірлікке еркелейік;
баяғыша күл қалсын орнымызда,
баяғыша және бір өртенейік...
Әлеуметтік желілерде бөлісіңіз:
Facebook | VK | WhatsApp | Telegram | Twitter