Өлеңдер ✍️

Сағындым жап-жас шағымды,
бауымды,
гүлді бағымды.
Аспаннан төгіп ақ нөсер,
біз кешкен аппақ ағынды.
Шалғында талай із қалған,
аялай берген бізді арман.
орман, тау, өзен ішінде
мен сүйер бір қыз болған.
Басыма сонда бақ қонған,
шалқығам тасып, шаттанғам.
Екеуміз ғана сиятын,
егіз жол шығып жатты алдан.
Қай жақтан келді таңқалам,
кәрілік деген оңбаған.
Сағындым бұл күн сол қызды,
ұрыспаушы еді ол маған.
Ағарып кеткен шашым да,
кеміген бағам басымда.
...Күңкілдеп күн-түн бір шалдың,
бір кемпір отыр қасында...