Өлеңдер ✍️
Өлеңдер ✍️
05.05.2022
122
Құлан
Арғымақтай тұлғалы,
шалғын дала – құндағы,
шөлі қысса даланың,
тапқан іздеп жылғаны.
Жерін тастап кетпеген,
шапқанда жел жетпеген.
Ол туралы қазақтың
аңызы бар көптеген.
Кең даласын – тұрағын,
жүзіп ішкен бұлағын
жанын салып қорғаған
жанындағы сыңарын.
Еркін жұтқан күн нұрын,
кең даланың дүлдүлі.
Не қиындық туса да,
тастамаған бір-бірін.
Білесің бе бұл аңды?
– Білемін. Ол – құлан-ды.
Әлеуметтік желілерде бөлісіңіз:
Facebook | VK | WhatsApp | Telegram | Twitter